Як паведамілі ў офісе прэзідэнта Украіны, акрамя сустрэчы з Джо Байдэнам, Уладзімір Зяленскі правядзе яшчэ шэраг перамоў. Чакаецца, што ўкраінскі лідар у асноўным абмяркуе пытаньне пашырэньня абароннага супрацоўніцтва паміж Вашынгтонам і Кіевам. Белы дом, у сваю чаргу, паведаміў, што сустрэча прэзідэнтаў адбудзецца ў аўторак, 12 снежня.
Гэта трэці візіт Уладзіміра Зяленскага ў Вашынгтон з пачатку поўнамаштабнай расійскай агрэсіі. Галоўнай тэмай візіту стала магчымае прыпыненне амерыканскай дапамогі Украіне, паколькі на мінулым тыдні Сенат ЗША адхіліў перадачу Кіеву 60 мільярдаў долараў ваеннай падтрымкі.
Заўтра прэзідэнт ЗША Джо Байдэн сустрэнецца з прэзідэнтам Украіны Уладзімірам Зяленскім у Белым доме. Асноўная тэма перамоў - працяг падтрымкі Украіны ЗША.
У заяве Белага дома гаворыцца, што прэзідэнт Джо Байдэн запрасіў прэзідэнта Уладзіміра Зяленскага, каб «падкрэсліць непахісную прыхільнасць Злучаных Штатаў падтрымцы народу Украіны», які абараняюцца ад жорсткага ўварвання Расіі.
Паколькі Расія ўзмацняе ракетныя і беспілотныя атакі на Украіну, два лідары абмяркуюць надзённыя патрэбы Украіны і неабходнасць пастаяннай падтрымкі з боку Злучаных Штатаў у гэты крытычны час», — заявіла Карын Жан-П'ер, прэс-сакратар прэзідэнта ЗША.
Прэзідэнт Джо Байдэн папрасіў у Кангрэса больш за 100 мільярдаў долараў на дапамогу Украіне, Ізраілю, Тайваню і абарону паўднёвай мяжы ЗША. Аднак рэспубліканцы, звязаныя з былым прэзідэнтам Дональдам Трампам, блакуюць гэты пакет. У той жа дзень, калі прэзідэнты Байдэн і Зяленскі сустрэнуцца ў Белым доме, памочнікі прэм'ер-міністра Венгрыі Віктара Орбана будуць пераконваць рэспубліканцаў у Вашынгтоне спыніць падтрымку Украіны.
ПР/юл